ՀՀ սահմանադրական դատարանի նախագահի շնորհավորական ուղերձը Արցախի Հանրապետության անկախության 27-ամյակի առթիվ

ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀ
ՊԱՐՈՆ ԲԱԿՈ ՍԱՀԱԿՅԱՆԻՆ

Հարգելի՛ պարոն Սահակյան,

Շնորհավորում եմ Ձեզ Արցախի Հանրապետության անկախության 27-ամյակի առթիվ:

1991 թվականի սեպտեմբերի 2-ը հայոց նորագույն պատմության կարևորագույն էջերից է, երբ արցախահայությունը հռչակեց իր անկախ պետականությունը:

Անցած քսանյոթ տարիների ընթացքում Արցախը կայացավ որպես ազատ, ինքնիշխան, իրավական ու ժողովրդավարական պետություն, որտեղ հարգվում են մարդու իրավունքներն և հիմնարար ազատությունները, իսկ իրավունքի գերակայությունը հռչակված է որպես հասարակական և սահմանադրաիրավական հարաբերությունների հենասյուն։

Անցած տասնամյակների ընթացքում Դուք ապացուցեցիք ինքներդ Ձեզ և ողջ հայությանը, որ ազատ Արցախը ոչ միայն կենսունակ պետություն է, այլև ունի բազմակողմանի զարգացման մեծ ներուժ:

Այս փառավոր օրը մենք կրկին գլուխ ենք խոնարհում Արցախի ազատության համար ընկածների հիշատակի առջև:

Կեցցե՛ ազատ ու անկախ Արցախը:

Կեցցե՛ Արցախի Հանրապետությունը։

Հարգանքով,

ՀՐԱՅՐ ԹՈՎՄԱՍՅԱՆ

ՀՀ սահմանադրական դատարանի նախագահ

Leave a Reply

Your email address will not be published. Required fields are marked *